கிராம மக்கள் கருப்பு கொடி கட்டி தேர்தல் புறக்கணிப்பு....

தென்காசி மாவட்டம் சங்கரன்கோவில் அருகே உள்ள சிவகிரி தாலுகா பகுதிக்கு உட்பட்ட அருகன்குளம் கிராமத்தில் அடிப்படை வசதிகள் வேண்டி கிராம மக்கள் கருப்பு கொடி கட்டி தேர்தல் புறக்கணிப்பு செய்து வருகின்றனர்.மேலும் அடிப்படை வசதிகளான தாமிரபரணி குடிநீர் வசதி, சாலை வசதி, தெருவிளக்கு வசதி, பெண்களுக்கான கழிப்பறை வசதி, சுடுகாட்டில் மின்விளக்கு வசதி, வாறுகால் வசதி போன்ற வசதிகள் ஏற்படுத்தித் தர வேண்டும் எனவும் தற்போது வரை அதற்காக துறை சார்ந்த அதிகாரிகளிடம் கோரிக்கை மனு அளித்தும் எந்தவித பயனும் இல்லை என்று தெரிவித்த அவர்கள் வருகின்ற நாடாளுமன்ற தேர்தலை புறக்கணிக்கும் வண்ணம் கிராமம் தோறும் கருப்பு கொடி கட்டி தேர்தல் புறக்கணிப்பு பதாகை அப்பகுதியில் வைக்கப்பட்டதால் பரபரப்பு நிலவி வருகிறது.