மேட்டூரில் ஏரியை அளவீடு செய்ய கிராம மக்கள் எதிர்ப்பு

மேட்டூர் அருகே மேச்சேரி ஊராட்சி ஒன்றியத்திற்குட்பட்ட புள்ள சோலியூர் பகுதியில் 1.20 ஏக்கரில் ஏரி உள்ளது. இந்த ஏரியை தனிநபர்கள் முறைகேடாக வாங்கி நிரவி பிளாட் போட்டு விற்பனை செய்ய முடிவு செய்துள்ளார். இதனை கண்டித்த பல்வேறு கட்ட போராட்டங்களை கிராம மக்கள் நடத்தி வந்தனர். இதனிடையே ஏரியை இறுதியாக வாங்கிய தேன்மொழி என்பவர் நீதிமன்றம் மூலம் உத்தரவு பெற்று வருவாய்த்துறையினரை கொண்டு அளவீடு செய்யும் பணியை மேற்கொண்டனர். இதற்கு கிராம மக்கள் எதிர்ப்பு தெரிவித்து சாலை மறியலில் ஈடுபடும் முயன்றனர். மேலும் அங்கு வந்த ஜேசிபி இயந்திரத்தையும் சிறை பிடித்தனர். அங்கு பாதுகாப்புக்கு வந்திருந்த போலீசார் கிராம மக்களிடம் பேச்சுவார்த்தை நடத்தி, நீதிமன்றத்தை அணுகுமாறு அறிவுறுத்தினர். பின்னர் போலீசார் பாதுகாப்புடன் ஏரியை அளவீடு செய்யும் பணி நடைபெற்றது. இதனால் அப்பகுதியில் பரபரப்பு ஏற்பட்டது.