விக்கிரவாண்டி அருகே மின்சாரம் தாக்கி விவசாயி பலி

விழுப்புரம் அருகே வயலுக்கு மின்விளக்கு போட சென்ற விவசாயி மின்சாரம் பாய்ந்து உயிரிழந்தார்.

விழுப்புரம் மாவட்டம் விக்கிரவாண்டி அருகே உள்ள வெங்கந் தூர் கிராமத்தை சேர்ந்தவர் சுகுமார்(50). விவசாயியான இவர் தனது நிலத்தில் கரும்பு பயிரிட்டுள்ளார். கரும்பு பயிரை காட்டுப்பன்றிகள் சேதப்படுத்துவதை தடுக்க வயலில் வெளிச்சம் ஏற்படுத்துவதற்காக மின் விளக்குகளை சுகுமார் அமைத்துக் கொண்டிருந்தார்.

அதில் மின் விளக்குகளுக்கு இணைப்பு கொடுக்க முயன்றபோது எதிர்பாராதவிதமாக அவரை மின்சாரம் தாக்கியது. இதில் படுகாயத்துடன் மயங்கி கிடந்த சுகுமாரை உறவினர்கள் மீட்டு சிகிச்சைக்காக முண்டியம்பாக்கம் அரசு மருத்துவக்கல்லூரி மருத்துவ மனைக்கு கொண்டு சென்றனர்.

ஆனால் வழியிலேயே அவர் பரிதாபமாக இறந்தார். இது குறித்த புகாரின் பேரில் கெடார் போலீசார் வழக்குப்பதிவு செய்து விசாரணை நடத்தி வருகிறார்கள்.