விழுப்புரம் நியூ ஜான்டூயி பள்ளி ஆண்டு விழா

விழுப்புரம் கிழக்கு சண்முகபுரம் காலனியில் உள்ள நியூ ஜான்டூயி மெட்ரிக் பள்ளியின் ஆண்டு விழா நடைபெற்றது. இதற்கு தாளாளர் வீரதாஸ் தலைமை தாங்கினார். நிர்வாக அதிகாரி எமர் சன் ராபின் முன்னிலை வகித்தார்.

கல்வி அதிகாரி சுகன்யா ராபின் வரவேற்றார். முண்டியம்பாக்கம் அரசு மருத்துவக்கல்லூரி டீன் ரமாதேவி, இந்தியன் வங்கி மேலாளர் சவுபாக்கியவதி ஆகியோர் சிறப்பு அழைப்பாளராக கலந்து கொண்டு, பல்வேறு போட்டிகளில் வெற்றி பெற்ற மாணவ, மாணவிகளுக்கு பரிசுகளை வழங்கி, மகளிர் தின வாழ்த்துகளை கூறி பேசினர். இந்த ஆண்டு வெற்றி பெற்ற ஜூபிடர் குழுவிற்கு பரிசு கோப்பையும் வழங்கப்பட்டது. தொடர்ந்து, மாணவர்களின் கலை நிகழ்ச்சிகள் நடைபெற்றது. முடிவில் பள்ளி முதல்வர் ஸ்டீபன் நன்றி கூறினார்.