விசிக சார்பில் வெல்லும் ஜனநாயகம் மாநாடு விளக்க கருத்தரங்கம்

பெரம்பலூர் வெங்கடேசபுரம் பகுதியில் உள்ள தனியார் அரங்கில், விடுதலைச் சிறுத்தைகள் கட்சியின் "வெல்லும் சனநாயகம் மாநாடு" விளக்க கருத்தரங்கம் இன்று டாக்டர் அம்பேத்கர் ஷேர் ஆட்டோ ஓட்டுநர் மற்றும் தரை வியாபாரிகள், தொழிலாளர் விடுதலை முன்னணி சங்கம் சார்பில் மாவட்ட தலைவர் முத்துசாமி தலைமையில் நடைபெற்றது.

தொழிலாளர் சங்க மாவட்ட துணை அமைப்பாளர் விஜயகுமார் வரவேற்புரையாற்றிய நிகழ்ச்சியில் மாநில பேரவை அமைப்பாளர் அம்பத்தூர் பேரறிவாளன் சிறப்பு அழைப்பார்களாக கலந்துகொண்டு சங்க உறுப்பினர்களுக்கு அடையாள அட்டை வழங்கி சிறப்புரையாற்றினார். நிகழ்ச்சியில் விடுதலைச் சிறுத்தைகள் கட்சியின் திருச்சியில் நடைபெறும் "வெல்லும் ஜனநாயகம் மாநாடு" குறித்தும் அதில் பெரம்பலூர் மாவட்டத்தில் இருந்து திரளானனோர் கலந்து கொள்வது என்றும்,

இதனை பொதுமக்களுக்கு எடுத்துச் செல்வதற்கான வழிமுறைகள் குறித்தும் கலந்துரையாடல் நடைபெற்றது. இந்நிகழ்வில் பெரம்பலூர் மேற்கு மாவட்ட செயலாளர் வழக்கறிஞர் இரத்தினவேல், சிதம்பரம் நாடாளுமன்ற தொகுதி மேலிடப்பொருப்பாளர் இரா.கிட்டு, மாநில செயலாளர் வீர.செங்கோலன் உள்ளிட்ட மாவட்ட, மண்டல, ஒன்றிய மற்றும் நகர நிர்வாகிகள் கலந்துக்கொண்டு சிறப்புரை ஆற்றினார்கள். இறுதியாக ராஜ்குமார் நன்றியுரையாற்றினார்.