பெரம்பலூரில் திமுக வேட்பாளருக்கு வாக்கு சேகரிப்பு

திருச்சி மாவட்டம் மண்ணச்சநல்லூர் சட்டமன்றத் தொகுதிக்குட்பட்ட முசிறி கிழக்கு, மேற்கு ஒன்றியத்தில் பெரம்பலூர் நாடாளுமன்ற தேர்தலில் போட்டியிடும் திமுக வேட்பாளர் அருண் நேருவை ஆதரித்து மண்ணச்சநல்லூர் எம்எல்ஏ கதிரவன் தேர்தல் பிரச்சாரம் செய்து திமுக அரசின் நலத்திட்டங்களை எடுத்துக் கூறி உதயசூரியன் சின்னத்தில் வாக்களித்து திமுக வேட்பாளரை வெற்றி பெற செய்யுமாறு பொதுமக்களிடம் வாக்கு சேகரித்தார். இந்த தேர்தல் பிரச்சாரத்தில் வடக்கு மாவட்ட செயலாளரும், முசிறி எம்எல்ஏவுமான தியாகராஜன் மற்றும் ஒன்றிய செயலாளர்கள், நகர செயலாளர்கள், கூட்டணி கட்சி நிர்வாகிகள், பேரூராட்சி மற்றும் ஊராட்சி மன்ற தலைவர்கள், கவுன்சிலர்கள், திமுக நிர்வாகிகள் பொதுமக்கள் உள்ளிட்ட பலர் கலந்து கொண்டனர்.