காங்கிரஸ் வேட்பாளர் ஆதரவாக கை சின்னத்திற்கு வாக்கு சேகரிப்பு

விருதுநகர் பாராளுமன்ற தொகுதியில் போட்டியிடும் காங்கிரஸ் வேட்பாளர் மாணிக்கம் தாகூருக்கு ஆதரவாக இந்தியா கூட்டணி நிர்வாகிகள் அருப்புக்கோட்டையில் தீவிர வாக்கு சேகரிப்பில் ஈடுபட்டு வருகின்றனர்.

இந்நிலையில் இன்று அருப்புக்கோட்டையில் இஸ்லாமியர்கள் அதிகம் வாழும் பகுதிகளில் முன்னாள் நகர்மன்ற தலைவர் சிவப்பிரகாசம் தலைமையில் நிர்வாகிகள் மாணிக்கம் தாகூருக்கு ஆதரவாக வாக்கு சேகரிப்பில் ஈடுபட்டனர்.

அதன்படி முஸ்லிம் தெரு, முஸ்லிம் நடுத்தெரு, சின்ன பள்ளி வாசல் மற்றும் பெரிய பள்ளிவாசல் தெரு, காட்டு பாவா தெற்கு தெரு, விவிஆர் நகர், டிஆர்வி சாலை, முஸ்லிம் பஜார் மற்றும் அதனை சுற்றியுள்ள பகுதிகளில் வீதி வீதியாக சென்று பொதுமக்களையும், மளிகை கடை, இறைச்சி கடை, டீக்கடை மளிகை கடை, டீக்கடை, செல்போன் கடை,

ஜவுளிக்கடை வியாபாரிகளையும் சந்தித்து இந்தியா கூட்டணியின் தேர்தல் வாக்குறுதிகள் கொண்ட துண்டு பிரசுரங்கள் வழங்கி கை‌ சின்னத்திற்கு வாக்குகள் சேகரித்தனர். இதில் இந்தியா கூட்டணி நிர்வாகிகள் ஏராளமானோர் கலந்து கொண்டனர்.