வாக்காளர் விழிப்புணர்வு பேரணி

கும்பகோணம் வருவாய் துறை, இந்தியன் ரெட்கிராஸ் சொசைட்டி கும்பகோணம், கிங்ஸ் ரோட்டரி சங்கம் கும்பகோணம், காட் சிட்டி ரோட்டராக்ட் சங்கம் மற்றும் அங்கன்வாடி பணியாளர்கள் இணைந்து மாபெரும் "வாக்காளர் விழிப்புணர்வு பேரணி"இன்று நடைபெற்றது. பேரணியை கும்பகோணம் வருவாய் கோட்டாட்சியர் பூர்ணிமா அவர்கள் கும்பகோணம் கிங்ஸ் ரோட்டரி சங்கம் சார்பாக தொப்பிகள் வழங்கி, பேரணியை கொடியசைத்து துவக்கி வைத்தார்கள். கும்பகோணம் வட்டாட்சியர் திரு. வெங்கடேஸ்வரன் முன்னிலை வகித்தார். கும்பகோணம் இந்தியன் ரெட்கிராஸ் துணை தலைவர் திரு. ரோசரியோ, ரெட் கிராஸ் உறுப்பினர்கள், மாவட்ட திட்ட அலுவலர் ராஜேஸ்வரி, மற்றும் கும்பகோணம் குழந்தைகள் வளர்ச்சி திட்ட அலுவலர்கள், மேற்பார்வையாளர்கள் unit 1&2 கலந்து கொண்டார்கள். பேரணி கும்பகோணம் மகாமக குளக்கரையில் துவங்கி, கும்பகோணம் காந்தி பூங்காவில் நிறைவடைந்தது. பூங்காவில் பொங்கல் வைத்து பொது மக்களுக்கு வழங்கி விழிப்புணர்வு செய்தார்கள். பேரணியில் 300 க்கும் மேற்பட்ட அங்கன் வாடி பணியாளர்கள் கலந்து கொண்டு பொது மக்களுக்கு விழிப்புணர்வு ஏற்படுத்தினார்கள்.