திருச்சி மாநகராட்சி கவுன்சிலர்களுக்கு விரைவில் வார்டு அலுவலகங்கள்

மார்ச் 2023 இல் நடந்த மாநகராட்சி மன்றத்தின் பட்ஜெட் கூட்டத்தொடரின் போது, அனைத்து வார்டுகளிலும் பல்நோக்கு அலுவலக வளாகங்கள் கட்டுவதற்கான முன்மொழிவை மாநகராட்சி முன்வைத்தது.

அதன் பொது நிதியில் இருந்து மொத்தம் ₹16.25 கோடி ஒதுக்கப்பட்டது. ஆனால், பல்வேறு காரணங்களால் அந்த முன்மொழிவு கிடப்பில் போடப்பட்டது. குடியிருப்பாளர்களிடம் குறைகள் மற்றும் குடிமக்கள் பிரச்னைகளை கேட்க, வார்டுக்குள் அலுவலக வளாகம் இல்லாததால், மாநகராட்சி கவுன்சிலர்கள் ஏமாற்றம் தெரிவித்தனர்.

தங்களுக்கு வார்டு அலுவலகங்கள் கட்டுவதற்கான முன்மொழிவை விரைந்து முடிக்க வேண்டும் என, சமீபத்தில் நடந்த மாநகராட்சி கவுன்சில் கூட்டத்தில், மேயர் எம்.அன்பழகனிடம் கவுன்சிலர்கள் கூட்டாக கோரிக்கை விடுத்தனர்.

தி.மு.க., வார்டு 55 கவுன்சிலர் வி.ராமதாஸ் கூறியதாவது: வார்டுக்குள், நகராட்சிக்கு சொந்தமான கட்டடங்கள் இல்லாததால், அதிகாலையில் துப்புரவு பணிகளை மேற்கொள்ளும் துப்புரவு பணியாளர்கள், பாதுகாப்பு உபகரணங்கள் மற்றும் பிற உபகரணங்களை சேமித்து வைப்பதில் சிக்கல் ஏற்பட்டுள்ளது.

அவர்கள் தங்கள் உடமைகளை சேமித்து வைக்க தனியார் வளாகத்தையே சார்ந்திருக்க வேண்டி இருக்கிறது. முன்மொழிவின்படி, ஒவ்வொரு வளாகத்திலும் வார்டு கவுன்சிலர்கள், சுகாதார ஆய்வாளர்கள், பில் கலெக்டர்கள் மற்றும் ஸ்டோர் அறைகள் இருக்கும். கவுன்சிலர்களுக்கான வார்டு அலுவலகங்கள் விரைவில் கட்டுவதற்கான முன்மொழிவை பேரூராட்சி நிர்வாகம் விரைவுபடுத்தும் என்றும், ஓரிரு மாதங்களில் ஒவ்வொரு வார்டிலும் வளாகம் கட்டுவதற்கு ₹25 லட்சத்தில் டெண்டர் விடப்படும் என்றும் திரு.அன்பழகன் கூறினார்.