தந்தை திட்டியதால் வெல்டிங் தொழிலாளி தற்கொலை

தர்மபுரி மாவட்டம் பாலக்கோடு வட்டம் மற்றும் சட்டமன்ற தொகுதிக்கு உட்பட்ட செல்லம் கொட்டாய் கிராமத்தை சேர்ந்தவர் சிவலிங்கம் விவசாயி. இவருடைய மகன் சீனிவாசன் 10-ம் வகுப்பு வரை படித்துவிட்டுவெல்டிங் வேலை செய்து வந்தார். இந்த நிலையில் கடந்த சில நாட்களாக சீனிவாசன் வேலைக்கு செல்லாமல் வீட்டில் இருந்து வந்ததாக கூறப்படுகிறது. இதனை தந்தை சிவலிங்கம் மகன் சீனிவாசனை கண்டித்துள்ளார். இதனால் விரக்தியடைந்த சீனிவாசன் நேற்று மாலை விஷம் குடித்து தற்கொலை செய்து கொண்டார். இந்த சம்பவம் குறித்து பாலக்கோடு காவல்துறையினர் வழக்குப்பதிவு செய்து விசாரணை நடத்தி வருகின்றனர்.