தருமபுரி அரசு கலைக் கல்லூரியில் நலத்திட்ட உதவிகள் வழங்கும் விழா

இளைஞர் நலன், விளையாட்டு மேம்பாட்டுத்துறை மற்றும் சிறப்புத் திட்டச் செயலாக்கத் துறை அமைச்சர் உதயநிதி ஸ்டாலின் தமிழ்நாடு முழுவதும் மகளிர் சுய உதவிக் குழுக்களுக்கு வங்கிக் கடன் இணைப்புகள், மதி எக்ஸ்பிரஸ் மின் வாகனங்கள் மற்றும் அரசு நலத்திட்ட உதவிகள் வழங்கும் நிகழ்ச்சியினை ஈரோட்டில் இன்று தொடங்கி வைத்ததை தொடர்ந்து,

தருமபுரி அரசு கலைக்கல்லூரியில் மகளிர் சுய உதவிக்குழுக்களுக்கு பல்வேறு அரசு நலத்திட்ட உதவிகளை மாவட்ட ஆட்சித் தலைவர் கி. சாந்தி இஆப., அவர்கள் இன்று (08.02.2024) வழங்கினார்கள்.

உடன் பென்னாகரம் சட்டமன்ற உறுப்பினர் திரு. ஜி.கே.மணி, தருமபுரி சட்டமன்ற உறுப்பினர் திரு.எஸ்.பி.வெங்கடேஷ்வரன், பாப்பிரெட்டிப்பட்டி சட்டமன்ற உறுப்பினர் திரு.ஆ.கோவிந்தசாமி, மகளிர் திட்ட திட்ட இயக்குநர் திரு. சா. பத்ஹூ முகம்மது நசீர், மாவட்ட முன்னோடி வங்கி மேலாளர் திரு.கண்ணன்,

நல்லம்பள்ளி ஒன்றியக் குழு தலைவர் திருமதி.மகேஸ்வரி பெரியசாமி, உட்பட உள்ளாட்சி அமைப்புகளின் பிரதிநிதிகள் மற்றும் தொடர்புடைய அலுவலர்கள் உள்ளனர்.