மோட்டார் சைக்கிளில் கணவருடன் சென்ற மனைவி விபத்தில் பலி

தென்காசி மாவட்டம் சங்கரன்கோவில் தாலுகா செந்தட்டியாபுரத்தைச் சேர்ந்தவர் வேல்முருகன் கூலித் தொழிலாளி இவரது மனைவி பத்மபிரியா இருவரும் குழந்தைகளுடன் சங்கரன்கோவில் அருகே உள்ள வீரிருப்பு கிராமத்தில் நடைபெறும் கோவில் திருவிழாவில் கலந்து கொள்ள தனது இரண்டு சக்கர வாகனத்தில் சென்று கொண்டிருந்தனர், அப்போது வடக்கு புதூர் அருகே இரண்டு சக்கர வாகனத்தில் இருந்து பத்மப்பிரியா இரண்டு சக்கர வாகனத்தில் இருந்து நிலை தடுமாறி எதிர்பாராத விதமாக தவறி கீழே விழுந்துள்ளார்.

இதில் அவருக்கு பலத்த காயம் ஏற்பட்டது உடனடியாக அவரை 108 ஆம்புலன்ஸ் மூலம் சங்கரன்கோவில் அரசு மருத்துவமனைக்கு சிகிச்சைக்காக கொண்டு வந்தனர். அங்கு பத்மபிரியாவை பரிசோதித்த மருத்துவர்கள் அவர் ஏற்கனவே இறந்து விட்டதாக கூறினர். இச்சம்பவம் குறித்து சங்கரன்கோவில் தாலுகா காவல் நிலைய போலீசார் வழக்கு பதிவு செய்து விசாரணை செய்து வருகின்றனர் மேலும் பத்மபிரியாவின் உடலை உடற்கூறு ஆய்வுக்காக சங்கரன்கோவில் அரசு மருத்துவமனைக்கு அனுப்பி வைத்தனர் .