தேசிய ஜூனியர் சிலம்ப போட்டியில் வெற்றி

கோவை கற்பகம் பல்கலைக்கழகத்தில் அகில இந்திய சிலம்பம் சம்மேளனம் சார்பில் தேசிய அளவிலான ஜூனியர் சிலம்ப சாம்பியன்ஷிப் போட்டி நடந்தது. இதில் தமிழ்நாடு சார்பில் சேலம் மாவட்டத்தில் இருந்து மாணவ, மாணவிகள் கலந்து கொண்டு 4 தங்கம், ஒரு வெள்ளி, 2 வெண்கல பதக்கங்களை வென்றனர். வெற்றி பெற்ற மாணவ, மாணவிகளை சேலம் மாவட்ட சிலம்பம் அடிமுறை சங்க துணைத்தலைவர் எஸ்.சோலைமுத்து, இந்தியன் ஸ்போர்ட்ஸ் அகாடமி இயக்குனர் ரென்சி ஆர்.சுதாகர், தலைவர் கே.கே.பவித்ரா ராஜா, செயலாளர் ஜே.கே.எஸ்.ஜீவா ஆகியோர் பாராட்டி வாழ்த்து தெரிவித்தனர்.