பணம் தராமல் ஏமாற்றிய பெண் கைது !

சின்னசேலம் அடுத்த பங்காரத்தைச் சேர்ந்தவர் நடராஜன் மனைவி அஞ்சலை, 50; இவர், நமச்சிவாயபுரத்தைச் சேர்ந்த சின்னையன் மனைவி சாந்தி, 52; மற்றும் அவரது மகன் விமல்ராஜ் ஆகியோர் நடத்திய ஏலச்சீட்டில், கடந்த 2019ம் ஆண்டு சேர்ந்தார். 3 லட்சம் ரூபாய் ஏலச்சீட்டில் சேர்ந்து, பணம் செலுத்தி வந்துள்ளார். ஏலச்சீட்டு முடிந்து பணத்தை கேட்டபோது, பணம் தராமல் சாந்தி ஏமாற்றியுள்ளார். இந்நிலையில் கடந்த 2023ம் ஆண்டு நவம்பர் மாதம் 23ம் தேதி, அஞ்சலை அளித்த புகாரின் பேரில், சாந்தி மற்றும் அவரது மகன் விமல்ராஜ் ஆகிய இருவர் மீதும் சின்னசேலம் போலீசார் வழக்கு பதிந்தனர். இந்நிலையில், மூன்று மாதங்களுக்குப் பிறகு நேற்றுமுன்தினம் சாந்தியை கைது செய்து, விமல்ராஜை தேடி வருகின்றனர்.