டூவீலர் மீது கார் மோதிய விபத்தில் பெண் படுகாயம்

நாமக்கல் மாவட்டம் குமாரபாளையம் காவேரி நகரில் வசிப்பவர் காளியம்மாள், 30. கைத்தறி கூலி தொழிலாளி. ஆனங்கூர் சாலை, ஒட்டன்கோவில் பகுதியில் வேலை செய்யும் தன் கணவரை பார்க்க, தனது ஸ்கூட்டி பெப் வாகனத்தில் நேற்றுமுன்தினம் காலை 08:10 மணியளவில் வந்து கொண்டிருந்தார். அதே திசையில் வேகமாக வந்த போர்டு பிகோ கார், இவரது டூவீலரில் மோத, காளியம்மாள் பலத்த காயமடைந்தார். இவர் குமாரபாளையம் அரசு மருத்துவமனையில் சிகிச்சைக்காக சேர்க்கப்பட்டார். இது குறித்து வழக்குப்பதிவு செய்த குமாரபாளையம் போலீசார் கார் ஓட்டுனர், வில்லிபுத்தூர் பகுதியை சேர்ந்த அருண்குமார், 30, என்பவரை கைது செய்து விசாரணை செய்து வருகிறார்கள்.