விபத்தில் பெண் பலி

எடப்பாடி அருகே போடிநாயக்கனூரை சேர்ந்தவர் அங்கம்மாள் (வயது 55). இவர் கடந்த சில நாட்களுக்கு முன்பு சேலம் பள்ளப்பட்டியில் உள்ள உறவினர் வீட்டுக்கு வந்தார். பின்னர் தனது மகன் தினேஷ் குமாருடன் எடப்பாடிக்கு மோட்டார் சைக்கிளில் சென்று கொண்டிருந்தார்.

அப்போது கொண்டலாம்பட்டி அருகே உத்தமசோழபுரம் சூளைமேடு பிரிவு பகுதியில் சென்றபோது அந்த வழியாக வந்த லாரி மோட்டார் சைக்கிள் மீது மோதியது.

இதில் தாய், மகன் இருவரும் படுகாயம் அடைந்து சேலம் அரசு ஆஸ்பத்திரியில் அனுமதிக்கப்பட்டனர். அங்கு சிகிச்சை பலனின்றி தினேஷ்குமார் இறந்து விட்டார். அங்கம்மாளுக்கு தீவிர சிகிச்சை அளிக்கப்பட்டு வந்தது.

இந்த நிலையில் சிகிச்சை பலனின்றி நேற்று காலை அங்கம்மாள் இறந்து விட்டார். இதுகுறித்து கொண்டலாம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.