மொபெட் மீது கார் மோதிய விபத்தில் பெண் பலி

திருக்கோவிலுார் அடுத்த நெடுங்கப்பட்டு கிராமத்தைச் சேர்ந்தவர் மேரி சுசிலா, 57; இவர் நேற்று காலை 11:30 மணியளவில் அத்திப்பாக்கத்தில் இருந்து காட்டுகோவிலுக்கு, திருவண்ணாமலை சாலையில் மொபெட்டில் சென்று கொண்டிருந்தார். அப்போது பின்னால் வந்த கார் மொபெட் மீது மோதியதில் மேரி சுசிலா படுகாயமடைந்தார். உடன் திருக்கோவிலுார் அரசு மருத்துவமனைக்குக் கொண்டு செல்லும்வழியில் அவர் இறந்தார். அவரது கணவர் சவரிமுத்து கொடுத்த புகாரின் பேரில் மணலுார்பேட்டை போலீசார் காரை ஓட்டிச் சென்ற பெங்களூருவைச் சேர்ந்த சுப்பரமணியன் மனைவி நிர்மலா, 39; மீது வழக்கு பதிந்து விசாரித்து வருகின்றனர்.