கொண்டலாம்பட்டி அருகே விபத்தில் பெண் பலி

சேலம் மாவட்டம் ஆத்தூர் அருகே உள்ள செந்தாரப்பட்டியை சேர்ந்தவர் கண்ணன் (வயது49). இவரது மனைவி புனிதா (37). இவர்கள் 2 பேரும் தொழில் நிமிர்த்தம் காரணமாக நேற்று மோட்டார் சைக்கிளில் திருப்பூருக்கு சென்றனர். இந்த நிலையில் சீலநாயக்கன்பட்டி இருந்து கொண்டலாம்பட்டி செல்லும் தேசிய நெடுஞ்சாலையில் காட்டூர் பகுதியில் வந்தபோது பின்னால் வந்த மோட்டார் சைக்கிள்,. இவர்களது மோட்டார் சைக்கிள் மீது மோதியது. இந்த விபத்தில். நிலைத்தடுமாறி கீழே விழுந்த புனிதா சம்பவ இடத்திலேயே பரிதாபமாக இறந்தார். இந்த விபத்து குறித்து கொண்டலாம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.