ஸ்கூட்டர் மீது கார் மோதிய விபத்தில் பெண் பலி

தூத்துக்குடி மாவட்டம், எட்டயபுரம் அருகேயுள்ள வெள்ளையம்மாள் புரம் மேலத் தெருவைச் சேர்ந்தவர் செந்தில் மனைவி லட்சுமி பிரியா (32). வெம்பக்கோட்டை சங்கரபாண்டியாபுரம் பகுதியைச் சேர்ந்த ரங்கசாமி மனைவி விஜயா (55). உறவினர்களான இவர்கள் இருவரும் நேற்று வெள்ளையம்மாள் புரத்திற்கு ஸ்கூட்டரில் சென்று கொண்டிருந்தனர்.

ஸ்கூட்டரை லட்சுமி பிரியா ஓட்டினார். விஜயா பின் சீட்டில் அமர்ந்திருந்தார். எட்டையபுரம் ரோட்டில் சென்று கொண்டிருந்தபோது, மதுரையில் இருந்து தூத்துக்குடி நோக்கி வந்த கார், இவர்களது வாகனம் மீது மோதியது. இதில் பலத்த காயம் அடைந்த 2 பேரும், எட்டையபுரம் அரசு மருத்துவமனையில அனுமதிக்கப்பட்டனர். அங்கு சிகிச்சை பலனின்றி விஜயா இறந்தார். இதுகுறித்து எட்டையபுரம் போலீஸ் இன்ஸ்பெக்டர் (பொ) வெங்கடேஷ பெருமாள் வழக்குப் பதிந்து விசாரணை நடத்தி வருகிறார்.