தென்தாமரைகுளத்தில் மீன் பண்ணை ஜெனரேட்டரில் சிக்கி பெண் உயிரிழப்பு

கன்னியாகுமரி மாவட்டம் தென்தாமரை குளம் பகுதியைச் சேர்ந்தவர் ராமன் மனைவி பூத்தங்கம் (70). இவர்களுக்கு சொந்தமான மீன் பண்ணை ஒன்று சாமிதோப்பு அருகே அமைந்துள்ளது. இந்த மீன் பண்ணையில் இன்று அதிகாலையில் திடீரென்று மின்தடை ஏற்பட்டது. அப்போது அங்குள்ள ஜெனரேட்டரை பூத்தங்கம் இயக்கியுள்ளார்.

அப்போது அவரது சேலை ஜெனரேட்டர் என்ஜினில் சிக்கி தூக்கி வீசப்பட்டார். இதில் படுகாயம் அடைந்த அவர் சம்பவ இடத்திலே பரிதாபமாக உயிரிழந்தார். இது குறித்து தென்தாமரைகுளம் போலீசில் புகார் செய்யப்பட்டது. புகாரின் பேரில் போலீசார் சம்பவ இடத்தில் சென்று உடலை கைப்பற்றி பிரேத பரிசோதனைக்காக ஆசாரிபள்ளத்தில் உள்ள அரசு மருத்துவக் கல்லூரி ஆஸ்பத்திரிக்கு அனுப்பி வைத்தனர்.

மேலும் இது குறித்து போலீசார் வழக்கு பதிவு செய்து விசாரணை நடத்தி வருகிறார்கள்.