லயோலா கல்லூரியில் மகளிர் தினவிழா !

நாமக்கல் மாவட்டம் ராசிபுரம் அருகேயுள்ள மெட்டாலா லயோலா கல்லூரியில் மகளிர் தினவிழா நடைபெற்றது. விழாவில் கல்லூரித் தாளாளர் அல்போன்ஸ் மாணிக்கம் தலைமை வகித்தார். செயலர் ஆல்பர்ட் வில்லியம் வரவேற்றார். கல்லூரி முதல்வர் சாமுவேல் ஜெயசீலன், துணை முதல்வர் கள் மரியவெனீஸ், ராகே சர்மா, விடுதி இயக்குனர் பொன்ரூபன் ஆகியோர் முன்னிலை வகித்தனர். விழாவில் கோவையைச் சார்ந்த பெண் தொழிலதிபரும், கூடைப்பந்தாட்ட வீரருமாகிய எஸ்.தீபிகா சிறப்பு விருந்தினராகக் கலந்துகொண்டு பெண்ணினத்தின் பெருமைகள் பற்றியும் பெண்கள் அடைந்திருக்கும் உயர் சாதனைகள் குறித்தும் எடுத்துரைத்தார். விழாவில் பெண்களின் தனித்திறன் வெளிப்படுத்தும் வகையில் பல்வேறு போட்டிகளும், கலை நிகழ்ச்சிகளும் நடைபெற்றன. இதில் பங்கேற்ற மாணவியர்களுக்கு பரிசளித்து பாராட்டப்பட்டனர். நிகழ்ச்சிக்கான ஏற்பாடுகளை கல்லூரியின் புல முதன்மையர் கேத்தரின் பிரதிபா உள்ளிட்ட பேராசிரியர்கள், மாணவ மாணவியர் செய்திருந்தனர்.