மகளிர் தின விழா கொண்டாடப்பட்டம்

திருப்பத்தூர் மாவட்டம் ஜோலார்பேட்டை பகுதியில் உலக மகளிர் தினத்தை ஒட்டி பெண்களுக்கு கோல போட்டி வெற்றி பெற்றவர்களுக்கு ஒன்றிய குழு தலைவர் பரிசு வழங்கினார் திருப்பத்தூர் மாவட்டம் ஜோலார்பேட்டை பகுதியில் உலக மகளிர் தினத்தை முன்னிட்டு பல்வேறு ஊராட்சிகளில் பெண்களுக்கான கோல போட்டி நடைபெற்றது.

திருப்பத்தூர் மாவட்டம் ஜோலார்பேட்டை மேற்கு ஒன்றியத்தில் உள்ள பல்வேறு ஊராட்சிகளில் உலக மகளிர் தின விழா கொண்டாடப்பட்டது. இதில் ஜோலார்பேட்டை அடுத்த சோமநாயக்கன்பட்டி ஊராட்சியில் நடைபெற்ற பெண்களுக்கான கோலப்போட்டி நிகழ்ச்சிக்கு மேற்கு ஒன்றிய செயலாளர் எஸ். கே. சதீஷ்குமார் தலைமை தாங்கினார்.

ஜோலார்பேட்டை ஒன்றிய குழு தலைவர் எஸ். சத்யா சதீஷ்குமார் சிறப்பு அழைப்பாளராக கலந்து பெண்களுக்கான கோலப் போட்டியை துவக்கி வைத்தார். இதில் ஊராட்சிக்குட்பட்ட பல்வேறு பகுதிகளில் இருந்து 50க்கும் மேற்பட்டோர் பெண்கள் போட்டியில் பங்கேற்று தங்களின் திறமைகளை வெளிப்படுத்தினர்.

இதில் வெற்றி பெற்றவர்களுக்கு 10 பெண்களுக்கு பரிசுகளை வழங்கி உலக மகளிர் தின விழா கொண்டாடுவது குறித்து ஊராட்சியில் உள்ள பெண்களுக்கும், மகளிர் சுய உதவி குழுவினருக்கும் எடுத்துக் கூறி இந்தியாவில் அனைத்து துறைகளிலும் ஆண்களுக்கு நிகராக பெண்கள் பணிபுரிவதும், தமிழகத்தில் திமுக அரசின் மூலம் பெண்களின் முன்னேற்றம் குறித்தும் சிறப்புரையாற்றினார்.

மேலும் இந்த நிகழ்ச்சியில் ஊராட்சி மன்ற தலைவர்கள் துணைத் தலைவர்கள் திமுக நிர்வாகிகள் உள்ளாட்சி பிரதிநிதிகள் என பலர் கலந்து கொண்டனர்.