டி.எஸ்.எம்., தொழில் நுட்ப கல்லுாரியில் மகளிர் தின விழா

கள்ளக்குறிச்சி அடுத்த மேலுார் டி.எஸ்.எம்., தொழில் நுட்ப கல்லுாரியில் மகளிர் தினத்தையொட்டி நடந்த நிகழ்ச்சிக்கு கல்லுாரி செயலாளர் அசோக்குமார் தலைமை தாங்கினார். முதல்வர் ஈஸ்வரன் தங்கராஜ் முன்னிலை வகித்தார். துறைத்தலைவர் சுரேஷ் வரவேற்றார். நிகழ்ச்சியில் மகளிர் தினம் கொண்டாடுவதன் நோக்கம், சமூகத்திலும், வேலைவாய்ப்பிலும் பெண்களுக்கு சம உரிமை உட்பட பல்வேறு தலைப்புகளில் பேசினர். தொடர்ந்து, பெண் துறைத்தலைவிகள் மற்றும் பேராசிரியைகளுக்கு நினைவுப் பரிசு வழங்கப்பட்டது.