அரசூர் வி.ஆர்.எஸ்.பொறியியல் கல்லூரியில் மகளிர் தின விழா

விழுப்புரம் மாவட்டம், அரசூர் வி.ஆர்.எஸ். பொறியியல் மற்றும் தொழில்நுட்பக் கல்லூரியில் சர்வதே மகளிர் தின விழா நடைபெற்றது. இதற்கு கல்லூரியின் தலைவர் எம். சரவணன் தலைமை தாங்கினார். விழாவில் கல்பனா சரவணன், கல்லூரியின் முதல்வர் அன்பழகன், பேராசிரியை ஜோதிகல்பனா ஆகியோர் முன்னிலை வகித்தனர்.

மாணவி கே. சுபலட்சுமி வரவேற்றார். மாணவி ராகவி சிறப்பு விருந்தினரை அறிமுகம் செய்து வைத்து பேசினார். விழாவில் விழுப்புரம் மாவட்ட குற்றவியல் மற்றும் மனித கடத்தல் தடுப்பு பிரிவின் இன்ஸ்பெக்டர் ஜி. தாரகேஸ்வரி சிறப்பு அழைப்பாளராக கலந்து கொண்டு, இன்றைய சூழ்நிலையில் பெண்கள் கடைபிடிக்க வேண்டிய பாதுகாப்பு விழிப்புணர்வு மற்றும் எதிர் கொள்ளும் வழிமுறைகளை பற்றியும் பேசினார். முடிவில் இறுதியாண்டு மாணவி எப்சிபா நன்றி கூறினார்.