சிவகாசி அருகே கட்டிடம் சரிந்து விழுந்து தொழிலாளி பலி

விருதுநகர் மாவட்டம், சிவகாசி அருகே மாரனேரி மம்சாபுரம் இந்திரா குடியிருப்பில் ஒரு வீட்டில் பழைய கட்டிடத்தை இடித்துவிட்டு புதிய கட்டிடம் கட்டுமான பணி நடைபெற்று வந்தது.இந்த பணியில் தென்காசி மாவட்டம் சங்கரன்கோவிலை சேர்ந்த தொழிலாளர்கள் ஈடுபட்டு இருந்தனர்.தொழிலாளர்கள் வழக்கம் போல் பழைய கட்டிடத்தை இடிக்கும் பணியில் ஈடுபட்டிருந்தனர்.

அப்போது எதிர்பாராமல் கட்டிடத்தின் ஒரு பகுதி சரிந்து விழுந்தது.இந்த சம்பவத்தில் இடிக்கும் பணியில் ஈடுபட்டிருந்த சங்கரன்கோவிலை சேர்ந்த மாடசாமி மகன் நாகராஜன் ( 27) என்பவர் எதிர்பாராமல் இடிபாடுகளிடையே சிக்கி கொண்டார்.பலத்த காயமடைந்த அவரை அக்கம் பக்கத்தினர் மீட்டு சங்கரன்கோவில் அரசு மருத்துவமனையில் சேர்த்தனர்.

அங்கு அவருக்கு தீவிர சிகிச்சை அளிக்கப்பட்டது. அங்கு சிகிச்சை பலனின்றி நாகராஜன் பரிதாபமாக உயிரிழந்தார்.இந்த சம்பவம் குறித்து மாரனேரி போலீசார் வழக்கு பதிவு செய்து விசாரித்து வருகின்றனர்.