இருசக்கர வாகனம் மீது கார் மோதி விபத்து: வெல்டிங் தொழிலாளி பலி

வேலூர் மாவட்டம் அணைக்கட்டு அடுத்த பனந்தோப்புபட்டி கிராமத்தைச் சேர்ந்தவர் ராஜேஷ் (40). இவர் வெளிநாட்டு வெல்டிங் வேலை செய்து வந்துள்ளார். இவருக்கு திருமணமாகி மனைவி ராதிகா (35). ஒரு மகன், ஒரு மகள் உள்ளனர். இந்நிலையில் இவர் நேற்று இரவு பள்ளிகொண்டா நோக்கி இருசக்கர வாகனத்தில் சென்று கொண்டிருந்தார்.

அப்போது கந்தனேரி அடுத்த கன்னிகாபுரம் பகுதியில் சென்ற போது அதிவேகமாக குடியாத்ததில் இருந்து அணைக்கட்டு நோக்கிச் சென்ற கார் இருசக்கர வாகனம் மீது மோதியது. இந்த விபத்தில் ராஜேஷ் தூக்கி வீசப்பட்ட நிலையில் மயங்கி கிடந்தார்.

அருகில் இருந்தவர்கள் இவரை மீட்டு 108 ஆம்புலன்ஸ் மூலம் வேலூரில் உள்ள தனியார் மருத்துவமனைக்கு சிகிச்சைக்காக அனுப்பி வைத்தனர். அங்கு அவரை பரிசோதித்த மருத்துவர்கள் அவர் வரும் வழியிலேயே இறந்து விட்டதாக தெரிவித்துள்ளனர்.

இது குறித்து பள்ளிகொண்டா போலீசார் அவரது மனைவி ராதிகா கொடுத்த புகாரின் பேரில் வழக்கு பதிவு செய்து விசாரணை நடத்தி வருகின்றனர்.