தண்ணீர் தொட்டி சரிந்து விழுந்து தொழிலாளி பலி

மதுரவாயல், ஆலப்பாக்கம் பகுதியைச் சேர்ந்தவர் அமிர்தராஜ், 56; கூலித்தொழிலாளி. வானகரம் பகுதியிலுள்ள ஒரு பிளாஸ்டிக் கம்பெனியில் பணிபுரிந்தார். நேற்று முன்தினம் மாலை இவர் பணியில் இருந்தபோது, மேலே 7 அடி உயரத்தில் இருந்த தண்ணீர் தொட்டி, திடீரென சரிந்து அமிர்தராஜ் தலையில் விழுந்தது. இதில், அவர் தலை நசுங்கி உயிரிழந்தார். அமிர்தராஜ் உடலைக் கைப்பற்றி, மதுரவாயல் போலீசார் விசாரிக்கின்றனர்.