ஆற்றில் மூழ்கி தொழிலாளி உயிரிழப்பு

கன்னியாகுமரி மாவட்டம் புதுக்கடை அம்பாள் நகர் பகு தியை சேர்ந்தவர் சிவன். கூலித் தொழிலாளி. இவர் மங்காடு ஆற்றில் குளிக்க சென்றார். படித்துறையில் இறங்கும் நேரத்தில் எதிர்பாராமல் கால் தடுக்கி ஆற்றில் விழுந்துள்ளார்.நீண்ட நேரமாக அவர் வீட்டிற்கு செல்லாததால் உறவினர்கள் அங்கு சென்று பார்த்தபோது அவரை காணவில்லை., பின்னர் குழித்துறை தீயணைப்பு துறையினருக்கு தகவல் கொடுத்தனர். சம்பவ இடத்திற்கு வந்த தீயணைப்பு வீரர்கள் அவரை ஒரு மணி நேரத்திற்கு பின் ஆற்றில் இருந்து பிணமாக மீட்டனர்.இது தொடர்பாக அவரது மனைவி சுபா புதுக்கடை போலீ சில் புகார் செய்தார். அதன் பேரில் போலீசார் வழக்குபதிவு செய்து விசாரித்து வருகின்றனர்.