இரணியல் அருகே வாகனம் மோதி தொழிலாளி காயம்

கன்னியாகுமரி மாவட்டம் இரணியல் அருகே செக்கரகுடி பகுதியைச் சேர்ந்தவர் சங்கரலிங்கம் (50) சுங்கான் கடையில் உள்ள ஹோட்டல் ஒன்றில் தங்கி டீ மாஸ்டராக வேலை பார்த்து வருகிறார். இன்று காலை சுங்கான் கடையில் இருந்து களியங்காடு நோக்கி தேசிய நெடுஞ்சாலையில் இடது ஓரமாக நடந்து சென்று கொண்டிருந்தார். அப்போது பின்னால் வேகமாக வந்த அடையாளம் தெரியாத வாகனம் சங்கரலிங்கம் மீது மோதி விட்டு நிற்காமல் சென்று விட்டது. இதில் தூக்கி வீசப்பட்டு தலையில் படுகாயம் அடைந்த அவரை அக்கம்பக்கத்தினர் மீட்டு அருகில் உள்ளவர் தனியார் ஆஸ்பத்திரியில் சிகிச்சைக்கு சேர்த்தனர். இது குறித்து சங்கரலிங்கம் இரணியல் போலீசில் புகார் செய்தார். அதன் பெயரில் வழக்கு பதிவு செய்த போலீசார் அவர் மீது மோதி விட்டு நிற்காமல் சென்ற அடையாளம் தெரியாத வாகனத்தை தேடி வருகின்றனர்.