மின்சாரம் தாக்கி தொழிலாளி பலி

சின்னசேலத்தைச் சேர்ந்தவர் பெரியசாமி, 43; இறைச்சி கடையில் பணிபுரிந்து வந்தார். கடந்த 14 ஆண்டுகளுக்கு முன் திருமணமாகியது. குழந்தை இல்லை. நேற்று முன்தினம் காலை மனைவி சுதா சொந்த வேலை காரணமாக நாமக்கல்லுக்கு சென்றிருந்தார்.

அன்று இரவு 7:30 மணியளவில் பெரியசாமி 'டிவி' சுவிட்சை ஆன் செய்துள்ளார். அப்போது, 'டிவி' சரியாக தெரியாததால் அதை சரி செய்தபோது, பெரியசாமி மீது மின்சாரம் பாய்ந்து சம்பவ இடத்திலேயே இறந்தார். இது குறித்த புகாரின் பேரில் சின்னசேலம் போலீசார் வழக்குப் பதிந்து விசாரித்து வருகின்றனர்.