அடையாளம் தெரியாத இருசக்கர வாகனம் மோதி தொழிலாளி உயிரிழப்பு

தூத்துக்குடி மாவட்டம் ,விளாத்திகுளம் பகுதியை சேர்ந்தவர் சாஸ்தான்.தொழிலாளி. இவரது மனைவி நேசலிங்கம்மாள்.இவர்களுக்கு 2. குழந்தைகள் உள்ளனர். சாஸ்தானின் நண்பர் வீடு ஆற்றூர் பகுதியில் உள்ளது. இந்நிலையில் கடந்த 10- ந்தேதி நண்பனின் மகன் வீடு கட்டி பால் காய்ச்சும் நிகழ்ச்சி யில் கலந்து கொள்வதற்காக 9-ந்தேதி தூத்துக்குடியில் இருந்து திருவட்டாருக்கு வந்து தங்கினார்.

மறுநாள் காலையில் நிகழ்ச்சியில் கலந்து கொள்வதற்காக திருவட்டாரில் இருந்து ஆற்றூர் நோக்கி நடந்து சென்றார். அப்போது அவர் ஆற்றூர் பகுதியில் செல்லும்போது பின்னால் வந்த அடையாளம் தெரியாத இரு சக்கர வாகனம் இவர் மீது மோதிவிட்டுநிற்காமல் சென்றுவிட்டது. இதில் கீழே விழுந்த சாஸ்தானுக்கு தலையில் பலத்த காயம் ஏற்பட்டது. உடனே அந்த பகுதியில் உள்ளவர்கள் அவரை மீட்டு ஆசாரிப்பள்ளம் ஆஸ்பத்திரியில் சிகிச்சைக்காக சேர்த்தனர். அங்கு அவருக்கு தீவிர சிகிச்சை அளிக்கப் பட்டது. எனினும் சிகிச்சை பலனின்றி சாஸ்தான் பரிதாபமாக இறந்தார்.

இது குறித்து நேசலிங்கம்மாள் கொடுத்த புகாரின் பேரில் திருவட்டார் போலீசார் வழக்குப்பதிவு செய்து விபத்தை ஏற்படுத்தி விட்டு நிற்காமல் சென்ற இருசக்கர வாகனத்தை ஓட்டிய வாலிபரை போலீசார் தேடி வருகிறார்கள். மேலும் போலீசார் அந்த பகுதியில் உள்ள சி.சி.டி.வி. காமிராவின் பதிவுகளை ஆய்வு செய்து தீவிர விசாரனை மேற்கொண்டு வருகிறார்கள்.