சேலத்தில் தொழிலாளி மர்ம சாவு !

சேலம் ஏற்காடு அடிவாரம் கொண்டப்பநாயக்கன்பட்டி காந்தி நகர் பகுதியைச் சேர்ந்தவர் ரவி (வயது 57). மர அறுவைமில் தொழிலாளி. இவருக்கு மது பழக்கம் இருப்பதினால் மனைவி கோபித்து கொண்டு சென்றதாக கூறப்படுகிறது. இதனால் ரவி தனியாக வசித்து வந்துள்ளார். கடந்த 2 நாட்களாக ரவியை காணாத நிலையில், அக்கம் பக்கத்தினர் இவரது வீட்டை திறந்து பார்த்தபோது கண் அருகே காயத்துடன் இறந்து கிடந்தார். இது குறித்து கன்னங்குறிச்சி போலீசார் மர்ம சாவு என வழக்குப்பதிவு செய்து விசாரித்து வருகின்றனர்.