ராஜபாளையத்தில் உலக சாதனை செய்த மாணவர்கள்

விருதுநகர் மாவட்டம் ராஜபாளையம் அருகே சங்கம்பட்டியில் செயல்படும் தனியார் பள்ளி சார்பில் கிரகாம்பெல் உலக சாதனை நிகழ்ச்சி நடைபெற்றது. இந்த நிகழ்ச்சியில் மாவட்டம் முழுவதிலும் இருந்து 50 பள்ளிகளில் பயிலும் 500 மாணவ, மாணவிகள் கலந்து கொண்டனர்.

இந்த நிகழ்ச்சியை டிஎஸ்பி நாகராஜன் கொடி அசைத்து தொடங்கி வைத்தார். கலந்து கொண்ட மாணவ, மாணவிகள் வரிசையாக அணிவகுத்து நின்றபடி சிலம்பம், கராத்தே, குத்து சண்டை, ஸ்கிப்பிங், யோகா, ஸ்கேட்டிங் ஆகிய விளையாட்டுகளை தொடர்ந்து 45 நிமிடங்கள் விளையாடி உலக சாதனை நிகழ்த்தினர்.

உலக சாதனை படைத்த மாணவ, மாணவிகளுக்கு சாதனை அமைப்பின் நிர்வாகிகள் மற்றும் டிஎஸ்பி பரிசு வழங்கி பாராட்டினார். மேலும் மாணவர்களை நிகழ்ச்சிக்கு அழைத்து வந்த பயிற்சியாளர்களுக்கு தனி நபர் பரிசுகள் வழங்கப்பட்டது.