படப்பள்ளி ஊராட்சி ஒன்றிய நடுநிலைபள்ளியில் உலக நீர் தின விழிப்புணர்வு

படப்பள்ளி ஊராட்சி ஒன்றிய நடுநிலைப் பள்ளியில் சுற்றுச்சூழல் மன்றம் சார்பில் உலக நீர் தினம் விழிப்புணர்வு. கிருஷ்ணகிரி மாவட்டம் ஊத்தங்கரையை அடுத்த படப்பள்ளி ஊராட்சி ஒன்றிய நடுநிலைப் பள்ளியில் சுற்றுச்சூழல் மன்றம் சார்பில்,உலக நீர் தினம் அனுசரிக்கப்பட்டது.

நிகழ்ச்சிக்கு பொறுப்பு தலைமை ஆசிரியர் பிரதீபா தலைமை வகித்து, நீர் சேமிப்பு மற்றும் அவசியத்தை மாணவர்களுக்கு கூறினார். உலக நீர் தினத்தை முன்னிட்டு ஓவியம், கவிதை, சுலோகன் மற்றும் பேச்சுப் போட்டிகள் நடைபெற்றது.போட்டியில் வெற்றி பெற்ற மாணவர்களுக்கு பரிசுகள் வழங்கப்பட்டது.

இறுதியில் நெகிழி பையை தவிர்த்து மீண்டும் மஞ்சப் பை பயன்படுத்த விழிப்புணர்வு பேரணி நடந்தது. பேரணியில் உதவி ஆசிரியர்கள் சென்னம்மாள், சரண்யா, ரேவதி மற்றும் ஊர் பொதுமக்கள் கலந்துகொண்டனர்.