கால்நடைகளை தாக்கும் மஞ்சள் பைத்தியம் வகை எறும்பு

நத்தம் அருகே கரந்தமலை மலைப்பகுதியை சுற்றிய கிராம பகுதிகளில் கால்நடைகளின் கண்களை தாக்கும் மஞ்சள் பைத்தியம் வகை எறும்புகளால் கிராம மக்கள் பாதிப்பை சந்திக்கின்றனர்.தற்போது நத்தம் நகரிலும் ஊடுருவ துவங்கியதால் மக்கள் அச்சத்தில் உள்ளனர். இவ்வகை எறும்புகள் சாதாரண எறும்புகள் போல் இல்லாமல் செந்நிறத்தில் கூட்டமாக திரிகின்றன. மனிதர்களின் உடலில் வேகமாக ஏறுவதால் அரிப்பு, கொப்பளங்கள் ஏற்படுகிறது.கால்நடை, விலங்குகளின் கண்களை குறி வைத்து கடிப்பதால் இறக்கின்றன. காட்டு மாடு போன்ற பெரிய வன விலங்குகளையும் இந்த எறும்புகள் விட்டு வைப்பது இல்லை.