ரத்தத்தால் விஜயகாந்த் படத்தை வரைந்து அஞ்சலி செலுத்திய இளைஞர்

மயிலாடுதுறை மாவட்டம் சீர்காழி அருகே சட்டைநாதபுரத்தை சேர்ந்தவர் 26 வயதான இளைஞர் அரவிந்த் இவர் சிறு வயது முதலே ஓவியத்தின் மீது அதிக பற்று கொண்டவர். அதன் காரணமாக ஏராளமான ஓவியங்களை வரைந்து உள்ள இவர். சாக்பீஸில் நுண்சிற்பங்களே வடிவமைப்பதை கைதேர்ந்தவர். மேலும் விஜயகாந்தின் மீது தீவிர பற்று கொண்டவர் ஆவார்.

இந்நிலையில் தேமுதிக தலைவரும் நடிகருமான விஜயகாந்த் உயிரிழந்ததை அடுத்து, அவருக்கு அஞ்சலி செலுத்தும் விதமாக, தனது ரத்தத்தினை சிறிய பாட்டிலில் எடுத்து, அதன் மூலம் விஜயகாந்தின் உருவத்தை வரைந்து, மறைந்த விஜயகாந்த் க்கு அஞ்சலி செலுத்தியுள்ளார். மேலும் இந்த அஞ்சலி நிகழ்வில் அவரது நண்பர்களும் கலந்து கொண்டு விஜயகாந்த் க்கு அஞ்சலி செலுத்தினர். தனது ரத்தத்தால் விஜயகாந்த் உருவத்தை வரைந்து அஞ்சலி செலுத்திய சம்பவம் கேட்பவர்களை நெகிழ்ச்சி அடைய செய்துள்ளது.