ஐஸ் பேக்டரி உரிமையாளரை தாக்கிய வாலிபர் கைது

கள்ளகுறிச்சி மாவட்டம், சின்னசேலம் அடுத்த மட்டப்பாறை கிராமத்தைச் சேர்ந்தவர் அண்ணாமலை மகன் சசிகுமார், 18; இவர் கள்ளக்குறிச்சி கருணாபுரம் பகுதியில் ஐஸ் பேக்டரில் கூலி வேலை செய்து வருகிறார்.கடந்த 31ம் தேதி இரவு 8:00 மணியளவில் சசிகுமார் வேலையில் இருந்தபோது, கருணாபுரம் பகுதியைச் சேர்ந்த முனியப்பிள்ளை மகன் சக்திவேல், 26; வீராசாமி மகன் தனவேல் ஆகியோர் பேக்டரியில் ஏற்கனவே வேலை செய்து நின்ற தனது நண்பர் விஜய் என்பவரை கேட்டு தகராறு செய்து தாக்கினர்.

மேலும், தடுக்க வந்த ஐஸ் பேக்டரி உரிமையாளர் முத்தையன், 53; என்பவரையும் தாக்கி கொலை மிரட்டல் விடுத்தனர். இது குறித்து சசிகுமார் கொடுத்த புகாரின் பேரில், சக்திவேல், தனவேல் ஆகிய இருவர் மீதம் கள்ளக்குறிச்சி போலீசார் வழக்குப் பதிந்து சக்திவேலை கைது செய்து, தலைமறைவான தனவேலை தேடி வருகின்றனர்.