குடிபோதையில் உறவினரின் கையை அரிவாளால் வெட்டிய இளைஞர் கைது

கோவை, அன்னூர் பொன்னேகவுண்டன்புதூர் பகுதியை சேர்ந்தவர் மயில்சாமி. குடிப்பழக்கத்திற்கு அடிமையான இவரது மூத்த சகோதரன் மகன் தனபால் அடிக்கடி மது அருந்திவிட்டு வந்து அருகில் உள்ளவர்களுடன் தகராறு ஈடுபட்டு வந்துள்ளார்.இந்த நிலையில் தாத்தா வீட்டுக்குச் சென்ற தனபால் குடிப்பதற்கு பணம் கேட்டு அவர் தராததால் அவருடன் வாக்குவாதத்தில் ஈடுபட்டுள்ளார்.இதுகுறித்து தகவல் அறிந்த மயில்சாமி சம்பவ இடத்திற்கு வந்து தனபாலை சமாதானம் செய்ய முயற்சித்துள்ளார்.ஆத்திரமடைந்த தனபால் தனது சித்தப்பா என்றும் பாராமல் அருகில் கிடந்த அருவாளால் வெட்ட முயற்சி செய்துள்ளார்.இதனை தடுக்க முயன்ற மயில்சாமியின் இடது மணிகட்டில் பலத்த காயம் ஏற்பட்டது.இந்த விவகாரம் தொடர்பாக வழக்கு பதிவு செய்த அன்னூர் போலீசார் தனபாலை கைது செய்து சிறையில் அடைத்தனர்.