மேட்டூரில் சிறுமிக்கு தொல்லை கொடுத்த வாலிபர் கைது

மேட்டூர் சதுரங்காடியில் 11 வயது சிறுமி தனது தாயுடன் சாலையில் நடந்து சென்றார். அப்போது அவ்வழியாக குடிபோதையில் வந்த இளைஞர் சிறுமியின் கையைப் பிடித்து இழுத்துள்ளார். சிறுமியின் தாயார் சத்தம் போட்டதை கண்ட அருகில் இருந்த பொதுமக்கள் போதை இளைஞரை பிடித்து மேட்டூர் காவல் நிலையத்தில் ஒப்படைத்தனர்.

விசாரணையில் அவர் கருப்பையா மூப்பனார் நகர் பகுதியை சேர்ந்த செல்வம் மகன் பிரவீன் குமார்(29) என்பதும், இவர் அப்பகுதியில் உள்ள ஹோட்டல் ஒன்றில் வேலைபார்த்து வந்ததாக போலீசார் தெரிவித்தனர்.

இதனை அடுத்து சிறுமியின் தாயார் கொடுத்த புகாரின் அடிப்படையில் பிரவீன் குமார் மீது போலீசார் போக்சோ வழக்கு பதிவு செய்து நீதிமன்றத்தில் ஆஜர்படுத்தி சேலம் மத்திய சிறையில் அடைத்தனர்.