கெங்கவல்லியில் 16 வயது சிறுமியை கடத்திய வாலிபர் கைது

சேலம் மாவட்டம் கெங்கவல்லி பகுதியை சேர்ந்த 16 வயது சிறுமி கடந்த 29-ந் தேதி வீட்டை விட்டு சென்றவர் பின்னர் வீடு திரும்பவில்லை. இதுகுறித்து சிறுமியின் தாய் கெங்கவல்லி போலீசில் புகார் கொடுத்தார். அதன்பேரில் போலீசார் விசாரணை நடத்தியதில் சின்ன சேலம் அருகே புக்கரவாரி கிராமத்தை சேர்ந்த சின்னதுரை (வயது 26) என்பவர் சிறுமியை ஆசைவார்த்தை கூறி கடத்தி சென்றது தெரியவந்தது.

இதையடுத்து போலீசார் அப்பகுதிக்கு சென்று சிறுமியை மீட்டதுடன் சின்னதுரையை கைது செய்து சிறையில் அடைத்தனர்.