பைக் திருடிய வாலிபர் கைது

திருவண்ணாமலை மாவட்டம் வந்தவாசி அடுத்த ஊர்குடி கிராமத்தைச் சேர்ந்தவர் எட்டியப்பன்(35). கட்டிட மேஸ்திரி. இவர் கடந்த 27ம் தேதி மேல்பாதி வல்லம் சாலையில் உள்ள சிக்கன் பக்கோடா கடை முன்பு தனது பைக்கை நிறுத்தி விட்டு கடைக்குச் சென்றார். சிறிது நேரம் கழித்து வந்து பார்த்தபோது பைக் திருட்டு போனது தெரிய வந்தது. இதுகுறித்து எட்டியப்பன் வடவணக்கம்பாடி போலீசில் புகார் செய்தார். அதன் பேரில் சப்- இன்ஸ்பெக்டர் விஜயன் வழக்குப் பதிவு செய்து அப்பகுதி யில் உள்ள கண்காணிப்பு கேமராக்களை ஆய்வு செய்தார். அதில், வல்லம் கிராமத்தைச் சேர்ந்த அறிவாளி மகன் அபிமன்யு(28) பைக்கை திருடியது தெரியவந்தது. நேற்று போலீசார் தேடிவருவதை அறிந்த அபிமண்யு(28) பைக்குடன் அங்கு ஏரி முட்புதரில் பதுங்கி இருந்தார். இதை அறிந்த போலீசார் அவரை மடக்கி பிடித்துக் கைது செய்து, பைக்கை பறிமுதல் செய்தனர்