சேலத்தில் இரும்பு கம்பிகள் திருடிய வாலிபர் கைது

சேலம் அணைமேடு பகுதியில் மேம்பாலம் கட்டும் பணிகள் நடைபெற்று வருகிறது. இதற்காக அங்கு இரும்பு கம்பிகள் உள்ளிட்ட கட்டுமான பொருட்கள் அடுக்கி வைக்கப்பட்டு உள்ளன. சம்பவத்தன்று அங்கு அடுக்கி வைக்கப்பட்டிருந்த ரூ.10 ஆயிரம் மதிப்பிலான இரும்பு கம்பிகள் திருட்டு போனது. இது குறித்து அதன் ேமற்பார்வையாளர் கிருஷ்ணகிரியை சேர்ந்த ஸ்ரீதரன், அஸ்தம்பட்டி போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து அம்மாபேட்டையை சேர்ந்த விக்னேஷ் (வயது 22) என்பவரை பிடித்து விசாரணை நடத்தினர். அப்போது அவர் இரும்பு கம்பிகள் திருடியதை ஒப்புக்கொண்டார். இதையடுத்து அவரை போலீசார் கைது செய்தனர்.