ரூ.80 ஆயிரத்துடன் மொபட்டை திருடிய வாலிபர் கைது

சேலம் எருமாபாளையம் பகுதியை சேர்ந்தவர் பொன்னாமலை (வயது 54), கூலி தொழிலாளி. அவர் கூட்டுறவு வங்கி ஒன்றில் அடகு வைக்கப்பட்ட தனது மனைவியின் நகையை மீட்பதற்காக நேற்று முன்தினம் தெரிந்த நபர்களிடம் ரூ.80 ஆயிரம் கடன் வாங்கினார். அந்த பணத்தை மொபட்டில் வைத்துள்ளார். வீட்டு முன்பு மொபட்டை நிறுத்தி விட்டு சாவியையும் அதில் வைத்து சென்றதாக தெரிகிறது. திரும்பி வந்து பார்த்த போது மொபட்டை காணவில்லை. மர்மநபர் திருடி சென்றுள்ளது தெரிய வந்தது. இதுகுறித்து பொன்னாமலை கிச்சிப்பாளையம் போலீஸ் நிலையத்தில் புகார் கொடுத்தார். போலீஸ் சப்-இன்ஸ்பெக்டர் ராஜா வழக்குப்பதிவு செய்து விசாரணை நடத்தினர். இதில் பொன்னாமலை மொபட்டை பணத்துடன் திருடி சென்றது தாதகாப்பட்டியை சேர்ந்த சபரிமுத்து (26) என்பது தெரியவந்தது. அவரை போலீசார் கைது செய்து விசாரணை நடத்தினர்.