பெண் போலீஸிடம் அத்துமீறிய வாலிபர் கைது

தூத்துக்குடியில் தேர்தல் பறக்கும் படையில் பணியாற்றி வரும் பெண் போலீஸ் ஒருவர் நேற்று மதியம் 2 மணி அளவில் தனது உறவினர் வீட்டுக்கு மோட்டார் பைக்கில் சென்று விட்டு மீண்டும் புதிய பஸ் நிலையம் போல்பேட்டை ரோட்டில் சென்று கொண்டிருந்தார். அப்போது மோட்டார் பைக்கில் வந்த 2 வாலிபர்கள் பெண் போலீசாரின் இடுப்பை கிள்ளி சில்மிஷத்தில் ஈடுபட்டதாக கூறப்படுகிறது. இதனால் அந்த பெண் போலீசார் நிலை தடுமாறி கீழே விழுந்தார்.

இதில் அவர் கூச்சல் போடவே அக்கம் பக்கத்தில் உள்ளவர்கள இருவரையும் பிடிக்க முயன்ற போது இரண்டு பேரும் தப்பி ஓடி விட்டனர். பின்னர் இது குறித்து புகாரின் பேரில் வடபாகம் காவல் நிலைய சப் இன்ஸ்பெக்டர் மாரிமுத்து வழக்கு பதிவு செய்து விசாரணை நடத்தினார். விசாரணையில் போல் பேட்டை மேற்கு பகுதியை சேர்ந்த பிச்சைராஜ் மகன் ராம்குமார் (24) என்பவரை கைது செய்தார். மேலும் ஒருவரை தேடி வருகிறார். இந்த சம்பவம் அப்பகுதியில் பரபரப்பை ஏற்படுத்தியது.