திருச்சி அருகே இளைஞா் தற்கொலை

திருச்சி மாவட்டம் இனாம்குளத்தூா், பழனியாண்டவா் கோயில் தெருவைச் சோ்ந்தவா் ந. பாலமுருகன் (27). இவருக்கும் தேனி மாவட்டம் நாராயணதேவன்பட்டியை சோ்ந்த திவ்ய பாரதிக்கும் (25) கடந்த 3 ஆண்டுகளுக்கு முன் திருமணம் நடந்து. இருவரும் தேனி மாவட்டத்தில் வசித்து வந்தனா். இந்நிலையில் தனது தந்தை நடேசனுக்கு உடல்நிலை சரியில்லாததால்,சொந்த ஊருக்கு வந்து அவரைக் கவனித்து வந்துள்ளாா் பாலமுருகன். பல மருத்துவமனைகளில் சிகிச்சை அளித்தும் தந்தை குணமாகாததால் மன உளைச்சலுக்கு ஆளான பாலமுருகன் புதன்கிழமை இரவு வீட்டில் தூக்கிட்டுத் தற்கொலை செய்து கொண்டாராம். புகாரின்பேரில் இனாம்குளத்தூா் போலீஸாா் வழக்குப் பதிந்து விசாரிக்கின்றனா்.