சாலை விபத்தில் வாலிபர் பலி

கர்நாடகா மாநிலம் கனகபுரா வட்டம் பாண்டே தொட்டி கிராமத்தை சேர்ந்தவர் அமரேஸ் இவருக்கு வயது 38, பொக்லைன் ஆப்ரேட்டர். இவர் நேற்று டூவீலரில், பென்னாகரம் குர்க்கம்பட்டியில் உள்ள உறவினர் வீட்டுக்கு வந்தார். பின்னர் அங்கிருந்து சொந்த ஊருக்கு புறப்பட்டு சென்றார்.

அப்போது பென்னாகரம் - ஒகேனக்கல் சாலையில் சேத்துக்கிணறு என்ற இடத்தில் சென்ற போது நிலை தடுமாறி கீழே விழுந்தார். இதில் பலத்த காயம் அடைந்த அமரேஸ் சம்பவ இடத்திலேயே உயிரிழந்தார்.

தகவலின் பேரில், ஒகேனக்கல் காவல் துறையினர் விரைந்து சென்று உடலை கைப்பற்றி பிரேத பரிசோதனைக்காக பென்னாகரம் அரசு மருத்துவமனைக்கு அனுப்பி வைத்தனர். இதுகுறித்து ஒகேனக்கல் காவல்துறையினர் வழக்குப்பதிவு செய்து, விசாரணை நடத்தி வருகின்றனர்.