வரட்டாறு தடுப்பணை நீரில் மூழ்கி வாலிபர் உயிரிழப்பு

தர்மபுரி மாவட்டம் அரூர் சட்டமன்ற தொகுதிக்குட்பட்ட மாம்பட்டியை சேர்ந்தவர் ராகுல்,இவருக்கு வயது 29. இவர், பொன்னேரி புதுாரை சேர்ந்த சிலருடன் சித்தேரி சென்று பலாப்பழம் வாங்கிக் கொண்டு வந்துள்ளார். வரும் வழியில் வள்ளிமதுரையில் உள்ள வரட்டாறு தடுப்பணையில் மதியம், குளித்தபோது, ஆழமான பகுதிக்கு சென்ற ராகுல் நீரில் மூழ்கினார். உடன் வந்தவர்கள், அரூர் தீயணைப்பு துறையினருக்கு தகவல் தெரிவித்தனர். அங்கு வந்த காமராஜ் தலமையிலான தீயணைப்புத் துறையினர் ராகுலின் உடலை மீட்டனர். அரூர் போலீசார் விசாரிக்கின்றனர்.