ரயிலிலிருந்து தவறி விழுந்து இளைஞர் பலி

ஊத்தங்கரை அருகே சாமல்பட்டி ரயில் நிலையம் அருகே ரயிலில் தவறி விழுந்த இளைஞர் பரிதாபமாக உயிரிழந்தார் கிருஷ்ணகிரி மாவட்டம் ஊத்தங்கரை அடுத்த சாமல்பட்டி ரயில் நிலையம் அருகில் ரயில் பாதையில் இளைஞர் ஒரு அடிபட்டு இறந்து கிடந்தார். இது குறித்து சம்பவ இடத்துக்கு விரைந்த சேலம் ரயில்வே போலீசார் விசாரணை மேற்கொண்டனர்.

இதில் இறந்த இளைஞர் சென்னை சாலிகிராமம் விஜயராகவபுரம் ஐந்தாவது தெருவை சேர்ந்தவர் ஆறுமுகம் இவருடைய மகன் விக்னேஷ் வயது 26 என்பது தெரிய வந்தது. இறந்தவரின் உடலை கைப்பற்றி பிரேத பரிசோதனைக்காக தர்மபுரி அரசு மருத்துவக் கல்லூரி மருத்துவமனைக்கு அனுப்பி வைத்தனர். போலீசார் மேற்கொண்ட விசாரணையில் இறந்த இளைஞர் சென்னையில் இருந்து கோவை செல்வதற்காக தன்பாத் ஆழப்புழா எக்ஸ்பிரஸில் பயணம் செய்ததும், இயற்கையை உபாதையை கழிப்பதற்காக சென்றவர் நிலை தடுமாறி கீழே விழுந்து தலை மற்றும் உடலில் பலத்த அடிபட்டு இறந்தார் என முதற்கட்ட விசாரணையில் தெரிகிறது. இது குறித்து சேலம் ரயில்வே போலீசார் வழக்கு பதிவு செய்து விசாரணை மேற்கொண்டு வருகிறார்கள்.