சாலை விபத்தி இளைஞர் பலி.

நாமக்கல் மாவட்டம், வேலகவுண்டம்பட்டி அருகே உள்ள கூப்பிட்டான்பாளையம் பகுதியைச் சேர்ந்தவர் அத்தியப்பன். இவரது மனைவி இந்திராணி. இவர்களது மகன் கௌதம் (17). இவர் பனிரெண்டாம் வகுப்பு படித்து முடித்துள்ளார். வியாழக்கிழமை அவரது பெற்றோர்களிடம் வேலகவுண்டம்பட்டியில் உள்ள மாரியம்மன் கோவில் திருவிழாவிற்கு சென்று வருவதாக கூறி விட்டு சென்றுள்ளார்.

இந்த நிலையில் இரவு கெளதம் வேலகவுண்டம்பட்டி அருகே விபத்தில் படுகாயம் அடைந்து நாமக்கல் அரசு மருத்துவக்கல்லூரி மருத்துவமனையில் சேர்க்கப்பட்டு உள்ளதாக அவரது பெற்றோர்களுக்கு போன் மூலம் தகவல் கிடைத்துள்ளது. தகவல் அறிந்து நாமக்கல் அரசு மருத்துவக்கல்லூரி மருத்துவமனையில் சென்று அவரது பெற்றோர்கள் பார்த்த போது கெளதம் மருத்துவமனைக்கு வரும் வழியிலேயே இறந்து விட்டதாக தெரியவந்தது.

மேலும் கெளதம் மற்றும் அவரது நண்பர் பிரகதீஷ் ஆகிய இருவரும் வேலகவுண்டம்பட்டியில் உள்ள மாரியம்மன் கோவில் திருவிழாவிற்கு சென்று விட்டு வியாழக்கிழமை இரவு திருச்செங்கோட்டில் இருந்து நாமக்கல் செல்லும் சாலையில் இளநகர் அருகே கெளதம் மோட்டார் சைக்கிளை‌ ஒட்ட அவரது பின்னால் அவரது நண்பர் பிரகதீஷ் அமர்ந்து கொண்டு சென்று கொண்டிருந்த போது நிலைதடுமாறி கீழே விழுந்துள்ளனர். இதில் கெளதம் தலையில் பலத்த காயமடைந்து நாமக்கல் அரசு மருத்துவக்கல்லூரி மருத்துவமனைக்கு செல்லும் வழியிலேயே இறந்து விட்டது தெரியவந்தது. பிரகதீஷ் படுகாயம் அடைந்து ஈரோட்டில் உள்ள ஒரு தனியார் மருத்துவமனையில் சேர்க்கப்பட்டு சிகிச்சை பெற்று வருகிறார். விபத்து குறித்து வேலகவுண்டம்பட்டி போலீசார் வழக்கு பதிவு செய்து விசாரணை நடத்தி வருகின்றனர். படுகாயம் அடைந்த பிரகதீஷ் 12 ஆம் வகுப்பு வரை படித்து முடித்துள்ளார் .