ஆட்டோவில் கஞ்சா கடத்திய 6 வாலிபர்கள் கைது

திண்டுக்கல், வடமதுரை அருகே கஞ்சா கடத்துவதாக திண்டுக்கல் மாவட்ட எஸ்.பி.பிரதீப்க்கு ரகசிய தகவல் கிடைத்தது . இதனடிப்படையில் திண்டுக்கல் மதுவிலக்கு டிஎஸ்பி.சுந்தரபாண்டியன் தலைமையில், மதுவிலக்கு காவல் ஆய்வாளர் புவனேஸ்வரி , சார்பு ஆய்வாளர் முத்துக்குமார் மற்றும் காவலர்கள் திண்டுக்கல் வடமதுரையை அடுத்த அய்யலூர் அருகே தீவிர வாகன சோதனையில் ஈடுபட்டிருந்தனர்.

அப்போது ஆட்டோவில் கஞ்சா கடத்தி வந்த திண்டுக்கல்லை சேர்ந்த கிங்காங் சுப்பிரமணி(48), மதுபாலன்(31), மதன்குமார்(31), தாமரைக்கண்ணன்(22), மாதவன்(23), ராஜா(24) ஆகிய 6 பேரை மதுவிலக்கு போலீசார் கைது செய்தனர். அவர்களிடமிருந்து 30 கிலோ கஞ்சா ,கடத்தலுக்காக பயன்படுத்திய ஆட்டோ ஆகியவற்றை பறிமுதல் செய்து விசாரணை மேற்கொண்டு வருகின்றனர்.